'The Mirror and the Light' gan Hilary Mantel

Dyma'r llyfr olaf yn nhrioleg Hilary Mantel, ‘Wolf Hall’, sydd bellach wedi’i throi’n gyfres deledu, ac wedi ennill Y Wobr Booker ddwywaith.

Mae’r nofel wych hon yn dechrau ar ôl marwolaeth Anne Boleyn. Lloegr, Mai 1536 ac mae Anne Boleyn wedi marw, wedi’i dienyddio mewn curiad calon gan ddienyddiwr Ffrengig cyflogedig. Wrth i’w gweddillion gael eu bwndelu’n angof, mae Thomas Cromwell yn cael brecwast gyda’r buddugwyr. Mae mab y gof o Putney yn dod allan o’r gwaedlif fel yr ail ddyn yn Lloegr ac yn parhau â’i ddringfa i rym a chyfoeth, tra bod ei feistr aruthrol, Harri VIII, yn setlo i hapusrwydd byrhoedlog gyda’i drydedd frenhines, cyn iddi farw wrth gennu'r etifedd gwrywaidd mae e eisiau fwyaf. Mae’r awdur yn dod â’r drioleg a ddechreuodd gyda ‘Wolf Hall’ a ‘Bring Up the Bodies’ i ben mewn modd buddugoliaethus.

Hilary Mantel yw awdur dau lyfr ar bymtheg, gan gynnwys ‘A Place of Greater Safety’, ‘Beyond Black’, ‘Giving Up the Ghost’ a’r casgliad o straeon byrion ‘The Assassination of Margaret Thatcher’. Enillodd ei nofel ddiweddaraf, ‘The Mirror & the Light’, Wobr Walter Scott am Ffuglen Hanesyddol, tra bod ‘Wolf Hall’ a ‘Bring Up the Bodies’ wedi derbyn Gwobr Man Booker. Yn 2014, fe’i penodwyd yn Fonesig Cadlywydd Urdd yr Ymerodraeth Brydeinig. Bu farw yn saith deg oed yn 2022.

Aduniad: Beiblau Mawr Harri’r VIII a Thomas Cromwell - Am y tro cyntaf ers bron i 500 mlynedd, mae Beiblau personol Harri’r VIII a’i brif weinidog, Thomas Cromwell, wedi dod at ei gilydd mewn arddangosfa yn y Llyfrgell Genedlaethol Cymru o 21 Mehefin 2025 – 22 Tachwedd 2025.